هێرش كرایە سەر كێڵگەی كۆرمۆر و قوربانی هەیە

ئاڤا نیوز

کەمێک لەمەوبەر هێرش کرایە سەر کێڵگەی کۆرمۆر لە چەمچەماڵ، بەپێی زانیارییە سەرەتاییەکانیش چوار کەس بریندار بوون و باس  لە گیانلەدەستدانی دوانیان دەكرێت.
 
زانیاریی بەدەستهاتوو: کەمێک پێش ئێستا کێڵگەی غازی کۆرمۆر بۆردوومان کرا و پەیامنێری ئاڤا نیوز دەڵێت "چوار کارمەندی کێڵگەکە بریندار بوون کە دووانیان کوردن".بە گوتەی سەرچاوەیەک لە کێڵگەکە بۆ پەیامنێری ئاڤا "دوو لە بریندارەکان گیانیان لەدەست داوە".

لێدوانە فەرمییەکان: ڕەمک ڕەمەزان، قایمقامی چەمچەماڵ بە ئاڤا نیوزی گوت: 6:40 خولەک بەدرۆن هێرش کراوەتەوە سەر کێلگەی غازی کۆرمۆر، تاوەکو ئەم ساتە  زیانەکان دیار نییە و لێکۆلینەوەکان بەردەوامن".

باکگراوند: لە ماوەی ڕابردوودا چەندین جار هێرش کراوەتە سەر کێڵگەی غازی کۆرمۆر، دوایین جار لە  25-1-2024 بوو کە بە سێ کاتیۆشا هێرشی کرایە سەر.

وێنە گەورەکە: کێڵگەی غازی کۆرمۆر ڕۆژانە چوارهەزار و 200 مێگاوات کارەبا بەرهەم دەهێنێت، لەو بڕە دووهەزار و 800 مێگاواتی بۆ هەرێمی کوردستان و ئەوەشی دەمێنێتەوە ڕەوانەی هەردوو پارێزگای کەرکووک و مووسڵ دەکرێت.