ڕووسیا 68 درۆنی ئۆکراینی دەخاتە خوارەوە

ئاڤا نیوز

هێرشە درۆنییەكانی نێوان ئۆكراینا و ڕووسیا زیاتربوون، ڕووسیا ڕایگەیاند دەیان درۆنی ئۆکراینی خستووەتە خوارەوە. 

ڕاگەیێنراوی فەرمی: وەزارەتی بەرگریی ڕووسیا ڕایگەیاند: لە ڕۆژی هەینی تا شەممە 66 درۆنی ئۆکراینای لە هەرێمی کراسنۆدار و دوو درۆنی لە ئاسمانی نیمچە دوورگەی کریمیا خستووەتە خوارەوە. 

زانیاریی زیاتر: لە ماوەی چەند مانگی ڕابردوودا هەریەکە لە ڕووسیا و ئۆکراینا زیاتر لە جاران هێرشی درۆنی دەکەنە سەر ژێرخانی وزەی یەکدی.

باکگراوند: لە شوباتی 2022ـەوە شەڕی ڕووسیا و ئۆکراینا دەستیپێکردووە و هیچ ئاسۆیەک بۆ وەستانی شەڕەکە دیار نییە.

وێنە گەورەكە: ڕووسیا هەوڵدەدات ڕێگری بكات لە بەدەستگەیشتنی چەكی ڕۆژئاوا بۆ ئۆكراینا و دوێنێ كاروانێكی چەكی ڕۆژئاوایی كردە ئامانج.