ئەمساڵ لە هەرێمی کوردستان 19 کرێکار گیانیان لەدەست داوە

ئاڤا نیوز

 

لە سەرەتای ئەمساڵ تاوەکو کۆتایی مانگی نیسان، 19 کرێکار لە هەرێمی کوردستان بەهۆی ڕووداوەکانی شوێنی کارەوە گیانیان لەدەستداوە.

 

چیرۆکی سەرەکی: لقی سلێمانیی سەندیکای کرێکارانی بیناسازیی کوردستان و کۆمیتەی یەکی ئایار، ژمارەی ئەو کرێکارانەی ڕاگەیاند کە لە 1-1-2024 تاوەکو 28ـی نیسان، بەهۆی ڕووداوەکانی شوێنی کارەوە گیانیان لەدەست داوە.

 

لێدوانی فەرمی: لقی سلێمانی سەندیکای کرێکارانی بیناسازیی کوردستان و کۆمیتەی یەکی ئایار لە کۆنگرەیەکی ڕۆژنامەوانیدا ڕایگەیاند: "ئەمساڵ لە پارێزگای هەولێر نۆ کرێکار، لە پارێزگای سلێمانی هەشتکرێکار، لە پارێزگای دهۆک دووکرێکار و یەکێکی تریش لە کەرکووک گیانیان لەدەست داوە".

 

ئەمەش بزانە: حەوت کرێکار بە تەزووی کارەبا، شەش کرێکار لە شوێنی کارەکانیان کەوتوونەتە ژێر ئامێر، پێنج کرێکار بەهۆی کەوتنەخوارەوە، کرێکارێک بەهۆی خوێنبەربوون و کرێکارێکی دیکەش بەهۆی داڕمانەوە گیانیان لەدەست داوە.