دادگەی فیدراڵی ڕاستکردنەوەیەک لەبارەی پڕۆژەی هەژماری من دەکات

ئاڤا نیوز

 

جێگری بەڕێوەبەری نووسینگەی سەرۆکوەزیرانی هەرێمی کوردستان ڕایگەیاندووە، دادگەی فیدراڵی لەم هەفتەیەدا ڕاستکردنەوەیەک دەردەکات، بۆ پشتڕاستکرنەوەی ئەوەی هاووڵاتیانی هەرێمی کوردستان وەک هەموو عێراقییەک، هەمان مافی بەشداربوون لە پڕۆژەی بەبانکیکردنی بانکی ناوەندیی عێراقیان هەیە.

 

لێدوانی فەرمی: عەزیز ئەحمەد، جێگری بەڕێوەبەری نووسینگەی سەرۆکوەزیرانی هەرێمی کوردستان لە پلاتفۆڕمی ئێکس بڵاوی کردەوە: وەک چۆن مووچەخۆرانی حکومەتی فیدراڵی لە لیستی بانکە پەسەندکراوەکان بانکی دڵخوازی خۆیان هەڵدەبژێرن، مووچەخۆرانی هەرێمی کوردستانیش هەمان مافیان هەیە.

 

زانیاریی زیاتر: لە پڕۆژەی هەژماری من، مووچەخۆر لە هەر بانکێک کە مۆڵەتی بانکی ناوەندی عێراق و مەرجەکانی "هەژماری من"ـی تێدابێت، دەتوانێت هەژماری بانکی بکاتەوە و هەموو بانکە بەشدارەکانی پڕۆژەی هەژماری من، مۆڵەتی بانکی ناوەندی عێراقیان هەیە بە هەموو مەرجەکانەوە.

 

ئەوەی ئێستا ڕوودەدات: هەوڵەکانی حکومەتی هەرێمی کوردستان بۆ تەواوکردنی پڕۆسەی تۆماری مووچەخۆران لە پڕۆژەی هەژماری من بەردەوامە و تاوەکو ئێستا زیاتر لە 250هه‌زار مووچەخۆر تۆمار کراون.