وەزارەتی پەروەردە: سووتاندنی پەرتووکی خوێندن قەدەغەیە

ئاڤا نیوز

 

وەزارەتی پەروەردە فڕێدان و سووتاندنی پەرتووکى بێ سوود بە کارێکی "ناپەروەردەیی و نادروست" بەرامبەر پاراستنی ژینگە دەزانێت و قەدەغەی دەکات.

 

لێدوانی فەرمی: ڕەگەز ڕەشید، بەڕێوەبەرى گشتیی دیوانی وەزارەت پەروەردە بە ئاڤا نیوزی ڕاگەیاند: "بۆ هیچ شوێنێک ڕێگەپێدراو نییە پەرتووکى بێ سوود فڕێ بدات یاخود بیسووتێنێت، ئەو کتێبانەی کە گۆڕدراون یانیش بەکار هاتوون و کەڵکی جارێکی دیکە بەکارهێنانەوەیان نەماوە، ساڵانە ئەو پرۆسەیە بە تەندەر و بە ئاشکرا دەکرێن و دەفرۆشرێن، 

 

زانیاریی زیاتر: وەزارەتی پەروەردە ئاماژە بەوە دەکات، هەر کەسێک پابەند نەبێت، ڕێکارى کاڕگێڕى و یاسایی بەرامبەر دەگیردرێتەبەر. 

 

ئەوەی پێویستە بیزانیت: لە بەرامبەردا وەزارەتی پەروەردە ڕایگەیاندووە، پێویستە کتێبەکان کۆ بکرێتەوە و لە کۆگەکان بپارێزرێت.