وەزارەتی ئەوقاف: 28ـی ئەم مانگە یەكەم گەشتی حاجییان دەستپێدەکات

ئاڤا نیوز

 

گوتەبێژی بەڕێوەبەرایەتی گشتیی حەج و عومرەی هەرێمی کوردستان ڕایگەیاند، بۆ ئەمساڵ ئامادەكارییەكان بۆ بەجێگەیاندنی فەریزەی حەج تەواو بوون و لە کۆتاییەکانی ئەم مانگە گەشتەکان دەستپێدەکەن.

 

لێدوانی فەرمی: کاروان ستونی، گوتەبێژی بەڕێوەبەرایەتی گشتیی حەج و عومرە بۆ ئاڤا نیوز گوتی: هەشت نووسینگەی حەج و عومرە لە هەرێمی کوردستان هەن؛ لەپێناو کەمکردنەوەی جەنجاڵی و قەرەباڵغیی لە بازگەکان و فڕۆکەخانە، لەڕێی نووسینگەکانەوە پاسی تایبەت ئامادەکراون و حاجییان دەگوازنەوە.

 

ئەوەی پێویستە بیزانیت: ئەمساڵ لە هەرێمی کوردستان لە 27 لەسەر 28ـی ئایار یەکەم گەشتی وشکانی و لە 29ـی ئایار یەکەم گەشتی ئاسمانی بۆ حەج ئەنجام دەدرێت.

 

ژمارەکان وادەڵێن: ئەمساڵ بۆ مەراسیمی حەج چوار هەزار و 685 کەس ناویان هاتووەتەوە، لەو ژمارەیە هەزار و 500 کەسیان لەڕێی وشکانییەوە دەچنە حەج و سێ هەزار و 185 کەسی دیکەش لەڕێگەی فڕۆکەوە گەشتەکانیان ئەنجام دەدەن.