هەڵبژاردنی پەرلەمانی کوردستان دوادەخرێت

ئاڤا نیوز 

 

کۆمیسیۆنی باڵای سەربەخۆی هەڵبژاردنەکانی عێراق دەڵێت، سستی لە کارەکانی هەڵبژاردنی خولی شەشەمی پەرلەمانی کوردستانی هەیە، ئاماژەکان بەرەو دواخستنی هەڵبژاردنن. 

 

زانیاریی تایبەت: دوای کۆبوونەوەی محەممەد شیاع سوودانی، سەرۆکوەزیرانی عێراق لەگەڵ سەرۆکی کۆمیسیۆنی هەڵبژاردنەکانی عێراق، ئاڤا نیوز زانیویەتی، بڕیار دراوە هەڵبژاردن بۆ مانگی 9 یان 10 دوابخرێت. 

 

لێدوانی فەرمی: هۆگر جاسم، بەرپرسی ئۆفیسی دهۆکی کۆمیسیۆنی باڵای سەربەخۆی هەڵبژاردنەکان بە ئاڤا نیوزی ڕاگەیاند، سستی لە ئامادەکارییەکاندا هەیە، هەموو ئاماژەکان بۆ ئەوە دەچن هەڵبژاردن دوابخرێت، بڕیارە لە سەرەتای هەفتەی ئایندە بڕیاری کۆتایی لەبارەی چارەنووسی هەڵبژاردنەکانی پەرلەمانی کوردستان بدرێت. 

 

بۆچی گرنگە: دوای پێداگرییەکانی پارتی دیموکراتی کوردستان لەبارەی کورسیی کۆتای پێکهاتەکان و پاک و بێگەردی لە چۆنییەتی شێوازی هەڵبژاردن، بڕیارە لە ئەگەری دواخستنی هەڵبژاردن بەشێک لە داواکارییەکانی پارتی جێبەجێ بکرێت.