زیاتر لە 100 باڵەخانەی قوتابخانە لە هەرێمی کوردستان بونیاد دەنرێن

ئاڤا نیوز

 

سەرۆکوەزیرانی عێراق خواستی خۆی بۆ تەرخانکردنی پشکی هەرێمی کوردستان لەو یەک هەزار قوتابخانەیەی کە لەلایەن کۆمپانیا چینییەکان دروستدەکرێن دەربڕیوە.

 

وێنە گەورەکە: د. ئالان حەمە سەعید، وەزیری پەروەردەی حکومەتی هەرێمی کوردستان لە بەغدا چاوی کەوت بە محەممەد شیاع سوودانی سەرۆکوەزیرانی عێراق و  چەند پرسێکی گرنگی پەروەردەیی گفتوگۆی لەسەر کرا.

 

زانیاریی بەدەستهاتوو: لە کۆبوونەوەکە سوودانی لاری نەبووە لە دابینکردنی پشکی هەرێمی کوردستان لە دروستکردنی باڵەخانەی قوتابخانەکان لە ڕێککەوتنی عێراق - چین کە هەرێمی کوردستان تا ئێستا پشکی خۆی لە دروستکردنی ئەو قوتابخانانە بۆ دابین نەکراوە.

 

باکگراوند: بەگوێرەی ڕێککەوتنی نێوان عێراق و چین تا کۆتایی مانگی شەش ژمارەی ئەو قوتابخانانەی دروستدەکرێن دەبێتە 250 قوتابخانە، باڵەخانەی قوتابخانەکانیش 12، 18 و24 پۆلیی دەبن.