داوا لە هاونیشتمانییان دەکرێت لە پڕۆژەی ئاوی خاس دوور بکەونەوە

ئاڤا نیوز

بەهۆی لێچوون لە بوتڵی کلۆری ئاو لە پڕۆژەی ئاوی خاس کە ئاو بۆ دانیشتووانی قەڵادزێ دابین دەکات، داوا لە هاونیشتمانییان دەکرێت لە پڕۆژەکە دووربکەونەوە.

 

لێدوانی فەرمی: مارف مەحموود، بەڕێوەبەری پڕۆژەی ئاوی خاس بە ئاڤا نیوزی راگەیاند: لە کاتژمێر 1:00ـی دوای نیوەڕۆ لێچوون لە یەکێک لە بوتڵەکانی کلۆری ئاو درووست بووە و مەترسی بۆ ئەو  هاونیشتمانییانە درووست کردووە لە نزیک پڕۆژەکە دەژین، بەڵام کاریگەری لەسەر دابینکردنی ئاو نابێت.

 

لەلایەکی دیکەوە: ئیدارەی سەربەخۆی ڕاپەڕین بڵاوی کردووەتەوە، لە هەوڵی چارەسەری کێشەکەدان.

 

ئەمەش بزانە: پڕۆژەی ئاوی خاس ئاوی خواردنەوە بۆ لە ٪95ـی دانیشتووانی قەڵادزێ دابین دەکات، سەرچاوەی ئاوی پڕۆژەکە زێی بچووک و کانیاوەکانن.