ئێران: هەڵبژاردنی کوردستان بەبێ پارتی ناکرێت

ئاڤا نیوز

كۆماری ئیسلامی ئێران هەڵوێستی خۆی لەسەر هەڵبژاردنی پەرلەمانی كوردستان ڕاگەیاند و بە یەکێتی گوتووە "بەبێ پارتی ناكرێت".

زانیاریی تایبەت: ئاڤا زانیویەتی کە شاندێکی کۆماری ئیسلامی سەردانی سلێمانییان کردووە و ڕاستەوخۆ بە بافڵ تاڵەبانییان گوتووە "پێویستە هەڵبژاردن دوا بخرێت و بەبێ پارتی دیموکراتی کوردستان هەڵبژاردن ناکرێت".

زانیاریی زیاتر: شاندەکەی ئێران بە یەکێتیی نیشتیمانییان گوتووە" پارتی هێزێکی سەرەکی هەرێمی کوردستان و عێراقە و نابێت بێ ئەو پارتە هەڵبژاردن بکرێت".

ئەوەی پێویستە بیزانیت: یەکێتیی نیگەرانی خۆی لە ڕاسپاردەی شاندەکەی ئێران دەربڕیوە، بۆیەش ئەمڕۆ بە پەلە کۆبوونەوەی مەکتەبی سیاسی كراوە و بەم زووانە ڕاگەیێنراوێك بڵاو دەکاتەوە. 

وێنە گەورەکە: پارتی و پێكهاتەكان نیگەرانن لە شێوازی بەڕێوەچوونی هەڵبژاردن و تێبینییان هەیە، بەوهۆیەوە هەڵبژاردن دواخراوە و تەنیا ماوەتەوە کە سەرۆکایەتیی هەرێم مەرسوومی هەرێمی بۆ دەرکات.