وەزارەتی كارەبا: لە 24 كاتژمێری ئایندەدا سێ وێستگەی كارەبا دەكەونە كار

ئاڤا نیوز

وەزارەتی كارەبای حكومەتی هەرێمی كوردستان ڕایگەیاند، لە 24 كاتژمێری ئایندەدا سێ وێستگەی هەولێر و سلێمانی و بازیان دەكەونەكار.

ڕاگەیێنراوی فەرمی: وەزارەتی كارەبای حكومەتی هەرێمی كوردستان ڕایگەیاند: ئێوارەی رۆژی سێشەممە هەناردەی گاز لە کێڵگەی کۆرمۆر بۆ وێستگەکانی بەرهەمهێنانی کارەبا دەستی پێکرد و پەستانی گاز بۆ وێستگەکان بەرز بووەتەوە.

زانیاریی زیاتر: بڕی 270ملیۆن پێ سێجا گاز لە کۆی 520ملیۆن پێ سێجای پێویست گەیشتووەتە وێستگەکان و دەکاتە نیوەی توانایی وێستگەکان، لە 24 کاتژمێری ئایندەدا هەرسێ وێستگەی هەولێر و سلێمانی و بازیان دەکەونە کار. وەزارەتی كارەبا وادەڵێت.

 

باکگراوند: ئێوارەی هەینیی ڕابردوو ، یەکێک لە کۆگەکانی هەڵگرتنی غازی شل لە کێلگەی کۆرمۆر بە درۆن کرایە ئامانج و بە هۆیەوە چوار کارمەند گیانیان لەدەست دا، هەشتی دیکەش بریندار بوون.

 

وێنە گەورەكە: كێڵگەی غازی كۆرمۆر ڕۆژانە چوار هەزار و 200 مێگاوات كارەبا بەرهەم دەهێنێت، لەو بڕە دوو هەزار و 800 مێگاواتی بۆ هەرێمی كوردستان و ئەوەشی دەمێنێتەوە ڕەوانەی كەركووك و مووسڵ دەكرێت.