كشتوكاڵی هەولێر: ئەم بارانە زیانی بۆ گەنم هەیە

ئاڤا نیوز

بەرێوەبەری گشتی کشتوکاڵی هەولێر دەڵێت، ئەگەر باران بەم شێوەیە بەردەوام بێت زیان بەو زەوییانە دەگەیێنێت كە بە گەنم چێنراون و لە قۆناغی دروێنەدان.

وێنە گەورەکە: لەسەرەتای ئەم هەفتەیەوە شەپۆلێکی باران بارین ڕووی لە هەرێمی کوردستان کردووە، بەتایبەتی ئەمڕۆ چوارشەممە 1-5-2024، بارانێکی زۆر لە زۆربەی ناوچەکانی هەرێمی کوردستان باری.

لێدوانی فەرمی: هێمن سەید، بەرێوەبەری کشتوکاڵی هەولێر بە ئاڤا نیوزی گوت: زۆری ڕێژەی باران بارین زیانی بۆ گەنم دەبێت بەتایبەت ئەو زەوییانەی بە گەنم چێنراون و سەرووی 50%یان زەرد بووە.

گۆشەیەكی دیكە: بە پێچەوانەوە سوودی بۆ ئەو زەوییانە هەیە كە چێنراون بە گەنم و هێشتا زەرد نەبوون و نەگیشتوونەتە قۆناغی دروێنە.

ئەوەی پێویستە بیزانیت: ئەگەر ڕێژەی باران بارین لە کاتژمێرێکدا بگات بە سەرووی 30 ملیم ئەوە زیانێکی زۆر بە گەنم دەگات. هێمن سەید وادەڵێت.

 

لە لایەکی دیکەوە: ڕەحمان خانی بەڕێوەبەری گشتی بەنداوەکانی هەرێمی كوردستان بە ئاڤا نیوزی گوت: هەموو ئامادەکارییەک کراوە و بەشێک لە بەنداوەکان توانای گلدانەوەی ئاوی زیاتریان هەیە، بۆیە ئەم بارانە سوودی دەبێت بۆ بەنداوەکان.