پارتی: هەمیشە لەگەڵ هەڵبژاردن بووین

ئاڤا نیوز

فراکسیۆنی پارتی دیموکراتی کوردستان لە پەرلەمانی عێراق ڕایگەیاند، "پارتی هەمیشە لەگەڵ هەڵبژاردن بووە بە مەرجێک ئیرادەی خەڵکی کوردستان پارێزراو بێت".

ڕاگەیێنراوی فەرمی: بە سەرسووڕمانێکی زۆرەوە ڕاگەیێنراوێک لەلایەن چەند فراکسیۆنێک لە پەرلەمانی عێراقەوە دەرچووە سەبارەت بە هەڵبژاردنی پەرلەمانی کوردستان.

زانیاریی زیاتر: پارتی جەخت لەسەر چەند خاڵێک دەکاتەوە:

1- پارتی یەکەم هێزی سیاسی بوو لە ڕێگای سەرۆک بارزانی باسی لەوەکرد کە دەبێت شەرعییەتی شۆڕشگێری بگوازینەوە بۆ شەرعییەتی دەستووری.

2- لە ساڵی 1992 تاوەکوو دوایین هەڵبژاردن، پارتی براوەی یەکەم بووە و هیچکات ترسی هەڵبژاردنی نەبووە.

3- پارتی ماوەی دوو ساڵە داوا دەکات هەڵبژاردن بکرێت، بەڵام هەندێک لایەن و بەتایبەت ئەوانەی ئیستا بەیاننامە دەنووسن خۆیان باش دەزانن کام لایەن ڕێگربوو لە ئەنجامدانی هەڵبژاردن. 

4- پارتی هەمیشە لەگەڵ هەڵبژاردن بووە و لەگەڵیشی دەبێت بە مەرجێک ئیرادەی خەڵکی کوردستان پارێزراو بێت.

5- پارتی لەگەڵ ئەوەیە هەڵبژاردنێک بکرێت مافی سەرجەم پێکهاتەکان پارێزراو بێت.