قایمقامی چۆمان: ڕێگەی كوێستانی کیکانی گوڵە شلێران داخرا

ئاڤا نیوز

 

قایمقامی چۆمان ڕایدەگەیێنێت، ڕێکاریی یاسایی تووند لە بەرامبەر ئەو کەسانە دەگیرێتەبەر کە لە گوندی کیکان، سرووشتیی گوڵە شلێرانیان شێواندووە.

 

چیرۆکی سەرەکی: دوو ڕۆژ لەمەوبەر، چەند کەسێک چوونەتە گوندی کیکان لە دەڤەری باڵەکایەتی و گوڵە شلێرەکانیان لەڕەگەوە دەرهێناون، پاشان پاشماوەکەیان لەوێ جێهێشتووه.

 

لێدوانی فەرمی: ئەحمەد بارزان، قایمقامی چۆمان بە ئاڤا نیوزی گوت: "ڕێگەکەمان داخستووە؛ بکەرانی ئەو کارە ئاشکرا دەکەین و ڕووبەڕووی یاسایان دەکەینەوە".

 

زانیاریی زیاتر: ئەگەر ئەو کەسانە دەستگیر بکرێن، بە گوێرەی یاسای ژمارە سێی ساڵی 2010ـی چاککردن و پاراستنی ژینگە، مامەڵەیان لەگەڵدا دەکرێت.