سەنتەری چاندنی مۆخی ئێسک لە پارێزگاکانی هەرێمی کوردستان دەکرێتەوە

ئاڤا نیوز

 

وەزیری تەندروستی ئاماژە بەوە دەدات، لە شاری دهۆک باڵەخانەی سەنتەری چاندنەوەی مۆخی ئێسک تەواو بووە، تەنیا دابینکردنی ئامێری ماوە.

 

وێنە گەورەکە: لە تەواوی هەرێمی کوردستان تەنیا لە پارێزگای سلێمانی سەنتەری چاندنی مۆخی ئێسک هەیە، لە هەولێر سەنتەرەکە گەیشتووەتە قۆناغی دیزاین و لە دهۆکیش باڵەخانە ئامادەیە.

 

لێدوانی فەرمی: د. سامان بەرزنجی، وەزیری تەندروستی بە ئاڤا نیوزی ڕاگەیاند: "لە ئاییندەیەکی نزیکدا، سەنتەری چاندنەوەی مۆخی ئێسک لە پارێزگاکانی هەولێر و دهۆکیش بەردەست دەبن".

بۆچی گرنگە؟ چاندنی مۆخی ئێسک ڕێگەیەکە بۆ چارەسەرکردنی نەخۆشییەکانی شێرپەنجەی خوێن بەکار دەهێنرێت؛  تێچووی هەر نەشتەرگەرییەکی چاندنی مۆخی ئێسک لە دەرەوەی وڵات 50 هەزار دۆلارە.

 

ئەمەش بزانە: هەردوو سەنتەرەکە بێبەرامبەر خزمەتگوزارییەکان پێشکەشی نەخۆش دەکەن، بەمەش پێویست ناکات خەڵک بۆ ئەم چارەسەرە سەردانی دەرەوەی وڵات بکەن.