سەرۆكی ژووری بازرگانی ئەمریكا: بەگرنگییەوە دەڕوانینە هەرێمی كوردستان

ئاڤا نیوز

سەرۆکی ژووری بازرگانی ئەمریکا- هەرێمی کوردستان دەڵێت، بەگرنگییەوە دەڕواننە بەهێزکردنی پەیوەندییەکانی هەرێمی کوردستان و کۆمپانیا بازرگانییەکانی ئەمریکا.

وێنە گەورەکە: شاندێکی ژووری بازرگانی ئەمریکا و فەرمانگەی پەیوەندییەکانی دەرەوەی هەرێمی کوردستان کۆبوونەوە، گفتوگۆ لەسەر بەهێزکردنی پەیوەندییە ئابوورییەکانی هەردوولا کراو  کار لەسەر ئەوە کراوە کۆمپانیاکانی ئەمریکا لە هەرێمی کوردستان کاری زیاتر بکەن.

ڕاگەیێنراوی فەرمی: سەفین دزەیی، بەرپرسی فەرمانگەی پەیوەندییەکانی دەرەوەی هەرێمی کوردستان ڕایگەیاند: حکومەتی هەرێمی کوردستان ئامادەی هەموو ئاسانکارییەکە بۆ ئەوەی کۆمپانیا ئەمریکییەکان لەهەرێمی کوردستان وەبەرهێنان بکەن.

بۆچوونی لایەنی بەرامبەر: سەرۆکی ژووری بازرگانی ئەمریکا - هەرێمی کوردستان گوتی:  بە گرنگییەوە دەڕوانینە بەهێزکردنی پەیوەندی هەرێمی کوردستان بە کۆمپانیا و بازرگانانی ئەمریکا، پشتیوانیەکی گەورەی کۆمپانیا بچووک و گەورەکان دەکەین، هانیان دەدەین بۆ ئەوەی بێن لە هەرێمی کوردستان کار بکەن.