پارێزگاری دهۆک بەردی بناغەی بۆ سێ پرۆژە دانا

ئاڤا نیوز

 

بە گوژمەی زیاتر لە 11 ملیار دینار،  پارێزگاری دهۆک بەردی بناغەی بۆ سێ پرۆژە  لە قەزای ئامێدی دانا.

 

وێنە گەورەکە: بۆ بەردەوامیدان بە گەیاندنی پرۆژەکانی خزمەتگوزاری بە هاووڵاتیان، ئەمڕۆ لەلایەن عەلی تەتەر، پارێزگاری دهۆک و لایەنە پەیوەندیدارەکان بەردی بناغە بۆ سێ پرۆژە لە قەزای ئامێدی دانران.

 

ڕاگەینراوی فەرمی: پارێزگای دهۆک لە ڕاگەیێنراوێکدا ڕایگەیاند، بەردی بناغە بۆ پرۆژەکانی، دروستکردنی کولێژی بنیات لە ئامێدی بە گوژمەی حەوت ملیار و 335 ملیۆن دینار، دروستکردنی ڕێگەی پیادە لە دەوروبەری قەڵای ئامێدی بە گوژمەی دوو ملیار و 318 ملیۆن دینار، دادگەی ئامێدی بە گوژمەی یەک ملیار و 733 ملیۆن دینار دانران.

 

بۆچی گرنگە: ئامانج لە پرۆژەکان ئاسانکارییە بۆ هاووڵاتیانی سنوورەکە و هەنگاوێکی دیکەیە بۆ ئاوەدانی و بەرەوپێشچوونی ناوچەکە.