کارکردن لە پڕۆژەی ڕێگای دووسایدی دەربەندیخان-کەلار لە تەواوبووندایە

ئاڤا نیوز

 

کارکردن بەشێوەیەکی بەرفراوان لەسەرجەم بڕگەکانی پڕۆژەی ڕێگای دووسایدی دەربەندیخان - کەلار بەردەوامە و  75٪ کارەکانی تەواوبووە.

 

وێنە گەورەکە: دانا عەبدولکەریم، وەزیری ئاوەدانکردنەوە و نیشتەجێکردنی حکومەتی هەرێمی کوردستان ڕایگەیاند، لەھەوڵەکانیان بەردەوامن بۆ تەواوکردنی پڕۆژەکە، ئەگەر گرفتی دارایی دروست نەبێت تاوەکو کۆتایی ئەمساڵ پڕۆژەکە تەواو دەکرێت.

 

ڕاگەیێنراوی فەرمی: وەزارەتی ئاوەدانکردنەوە و نیشتەجێکردن ڕایگەیاند: پڕۆژەی ڕێگای دووسایدی دەربەندیخان - کەلار، پڕۆژەیەکی ستراتیژییە درێژییەکەی 41 کیلۆمەترە، بەتەواوبوونی پرۆژەکە ڕێگای کاتژمێرێک و 25 خولەکی نێوان ئەو دوو شارە دەبێتە 40 خولەک، لە ئێستاشدا بەشێک لە قۆناغە تەواوبووەکانی ڕێگاکە خراوەتە خزمەتی ھاووڵاتیانەوە.

 

خاڵە ئەرێنییەکان: پردی ئاوە خێری کە گەورەترین پردە لەسەر ئاستی ھەرێمی کوردستان دەکەوێتە نێو پڕۆژەکەوە، لەنێو پڕۆژەکەدا 35 پردی تێدایە زۆرینەیان تەواو کراون. 

 

باکگراوند: پرۆژەکە لە ڕابردوودا تەنھا لە 15٪‏ی تەواو کرابوو، بەڵام لە ماوەی دەستبەکاربوونی کابینەی نۆیەم ڕێژەی ئەنجامدراوی پرۆژەکە گەیشتوەتە 75٪‏.