ماددەی هۆشبەر لە نووسینگەی وەزیری پەروەردەی بەلجیکا دەدۆزرێتەوە

ئاڤا دیجیتاڵ

 

پەنجا کیسە ماددەی هۆشبەر لە نووسینگەی وەزیری پەروەردەی بەلجیکا دۆزراوەتەوە. هەشت کەس "تۆمەتبار" کراون و شەش کەسیش دەستبەسەرکراون.

 

لێدوانی فەرمی: بەرپرسانی بەلجیکا رایانگەیاند: "کۆکاین لە نووسینگەی کارۆلین دێسیر، وەزیری پەروەردەی بەلجیکا دۆزراوەتەوە". داواکاری گشتیی برۆکسێل لە بەیاننامەیەکدا ڕایگەیاند: "مانگی ڕابردوو کۆکاینیان لە نووسینگەکەی وەزیری پەروەردە دۆزیوەتەوە و لەو کاتەوەش کار لەسەر دۆسیەکە دەکەن".

 

زانیاریی زیاتر: هەشت کەس بە کڕین و فرۆشتن و هەڵگرتنی ماددەی هۆشبەر "تۆمەتبار" کراون. دوو کەس بەمەرج ئازاد کراون و شەش کەسیشیان بەشێوەی کاتی دەستبەسەر کراون. یەکێک لە دەستگیراوەکان، یاریدەدەری بەرپرسی بەشی تەکنیکی و لۆجیستی نووسینگەی وەزیری پەروەردەیە کە لەکاتی دەستگیرکردنی لە ماڵەکەیدا، دەست بە سەر دە 10 هەزار یۆرۆدا گیراوە. داواکاری گشتیی برۆکسێل رایگەیاندووە: "لێکۆڵینەوەکان بەردەوام دەبن".