شاندێکی بانکی TBI بۆ گفتوگۆ لەبارەی بەشداریکردن لە پڕۆژەی هەژماری من دێتە هەرێمی کوردستان

ئاڤا نیوز 

 

دوای نووسراوەکەی سەرۆکوەزیران بارزانی، شاندێکی بانکی TBI گەیشتە هەرێمی کوردستان و لەگەڵ وەزارەتی دارایی باسی چۆنیەتی تەوتینکردنی مووچەخۆران دەکەن.

 

وێنە گەورەکە: دوای نووسراوەکەی سەرۆکوەزیران بارزانی و وەزارەتی دارایی هەرێمی کوردستان، بۆ جێبەجێکردنی ڕێکاری پێویست بۆ پرۆسەی تەوتینکردن لە ڕێگەی هەژماری منەوە، شاندێکی بانکی TBI گەیشتە هەرێمی کوردستان.

 

زانیاریی بەدەستهاتوو: شاندێكی TBI بە مەبەستی لێکتێگەیشتن لەبارەی تەوتینکردنی مووچەخۆران لە هەرێمی کوردستانەوە لەگەڵ وەزارەتی دارایی باسی چۆنیەتی جێبەجێکردنى بابەتى تەوتینکردن دەکات بەپێی بڕیاری دادگەی فیدراڵی لە چوارچێوەی پرۆژەی (هەژمارى من)ـدا.

 

بۆچی گرنگە: بانکی TBI یەکێکە لەو سێ بانکانەی لەلایەن دادگەی فیدراڵی و وەزارەتی دارایی عێراق دەستنیشانکراوە بۆ تەوتینکردنی مووچەخۆرانی هەرێمی کوردستان، ئەگەر لەگەڵ وەزارەتی دارایی بگەنە ڕێککەوتن کێشە لەبەردەم ناردنی مووچە نامێنێت.