سەرۆکوەزیران بارزانی: جەخت لە گرنگیی هەڵبژاردنێکی ئازاد و دادپەروەرانە دەکەینەوە

ئاڤا نیوز 

سەرۆکوەزیران بارزانی لە کۆبوونەوەی لەگەڵ شاندێکی ئەنجوومەنی پیرانی ئەمریکا جەخت لە گرنگیی هەڵبژاردنێکی ئازاد و شەفاف و دادپەروەرانە، بە بەشداریی هەموو لایەنەکان و پاراستنی مافی پێکهاتەکان دەکاتەوە.

 

ئەوەی پێویستە بیزانیت: ئه‌مڕۆ شه‌ممه‌ 04-05-2024 سەرۆکوەزیران مەسرور بارزانی پشوازى له‌ شاندێكى ئەنجوومەنی پیرانی ئەمریکا كرد كه‌ له‌ سێناتۆر تێد بە‌د و سێناتۆر جۆنى ئێرنتس پێكهاتبوو و له‌ كۆبوونه‌وه‌کەدا ئەلینا ڕۆمەناوسکی، باڵیۆزی ئەمریکا لە عێراق و مارک سترۆ کونسولی گشتیی لە هەرێمی کوردستان ئامادەبوون. 

 

ڕاگەیێنراوی فەرمی: تەوەرێکی گفتوگۆکان تایبەت بوو بە هەڵبژاردنی پەرلەمانی کوردستان، لەمبارەیەوە جەخت لە گرنگیی ئەنجامدانی هەڵبژاردنێکی ئازاد و شەفاف و دادپەروەرانە، بە بەشداری هەموو لایەنەکان و پاراستنی مافی پێکهاتەکان کرایەوە.

 

زانیاریی زیاتر: گفتوگۆ لەبارەی برەودان بە پەیوەنديی دوولایەنە و دوایین پەرەسەندنەکانی عێراق و گرنگیی پاراستنی مافە دەستووریی و شایستە داراییەکانی هەرێمی کوردستان کرا و شاندی ئەنجوومەنی پیرانی ئەمەریکا، پشتگیریی وڵاتەکەیان بۆ پاراستنی ئاسایش و ئارامیی هەرێمی کوردستان دووپات کردەوە.