دیداری خوێندنی باڵای ئوردن - کوردستان بەڕێوەدەچێت

ئاڤا نیوز

 

لە هەولێر بە ئامادەبوونی سەرۆکوەزیران بارزانی و بە بەشداری 80 زانکۆ و دامەزراوەی زانستی، دیداری خوێندنی باڵای ئوردن - کوردستان دەستیپێکرد.

وێنە گەورەکە: دیداری خوێندنی باڵای ئوردن - کوردستان، لە شاری هەولێر بە دروشمی (وێناکردنی ئایندە لە ڕێگەی پەرەپێدانی بەردەوام) دەستیپێکرد، سەرۆکوەزیران بارزانیش تێیدا ئامادەیە.

زانیاریی زیاتر: دیدارەکە لەلایەن وەزارەتی خوێندنی باڵا و توێژینەوەی زانستی حکومەتی هەرێمی کوردستان بە هەماهەنگی لەگەڵ وەزارەتی خوێندنی باڵا و توێژینەوەی زانستی شانشینی ئوردن ڕێکخراوە.

ئەوەی پێویستە بیزانیت: 25 زانکۆ و دامەزراوەی حکومی و تایبەت لە وڵاتی ئوردن و 55 زانکۆ و دامەزراوەی زانستی حکومی و تایبەت لە هەرێمی کوردستان بەشداری سەرەکی دەبن، گفتوگۆ دەربارەی چۆنیەتی پەرەپێدان بە بواری خوێندنی باڵا لە نێوان زانکۆکانی هەردوو لادا دەکەن.