یەکەمین کۆنفڕانسی دڵنیایی لە هەرێمی کوردستان و عێراق بەڕێوە دەچێت

ئاڤا نیوز  

وەزارەتی دارایی و ئابووری حکومەتی هەرێمی کوردستان و بەڕێوبەرایەتیی گشتیی کاروباری دڵنیایی، بۆ یەکەمجار لە هەولێر کۆنفڕانسی دڵنیایی بەڕێوە دەبەن.

بۆچی گرنگە: هەوڵەکانی حکومەتی هەرێمی کوردستان لە ڕووی ڕاگرتنی سەقامگیری، ئارامی، پەیوەندییە بازرگانییەکان و جموجۆڵی بازرگانی وایکردووە کەرتی دڵنیایی بایەخی پێ بدرێت، بۆیە ساڵانێکە حکومەت کار لەسەر بەگەڕخستنی کەرتی دڵنیایی دەکات، لەپێناو تۆکمەکردنی ژێرخانی ئابووریی هەرێمی کوردستان. 

لە پەیامنێرەوە: کوردستان حەسەن، پەیامنێری دیپلۆماسی ئاڤا نیوز گوتی: ئەمڕۆ کاتژمێر 10:00ی سەرلەبەیانی، یەکەمین کۆنفڕانسی دڵنیایی لە هەرێمی کوردستان و عێراق بەڕێوە دەچێت و دوو ڕۆژ دەخایەنێت.

ئەوەی پێویستە بیزانیت: لەم کۆنفڕانسەدا 30 لە کۆنسوڵخانەکان و نێردە دیپلۆماسییەکانی وڵاتانی دراوسێ و جیهان بەشدارن؛ لەهەمان کاتدا جێگری سەرۆکی هەرێمی کوردستان، جێگری سەرۆکی حکومەت و زۆرینەی وەزیرەکان بەشداریی دەکەن.