خۆپیشاندانی خوێندکاران دژی هێرشەکانی سەر غەززە فراوانتر دەبێت

ئاڤا نیوز

خۆپیشاندانی خوێندکاران، دژی هێرشی ئیسرائیل بۆ سەر غەززە کە لە زانکۆی کۆڵۆمبیای ئەمریکاوە دەستی پێ کرد، فراوانتر بووە. لە ناوخۆی ئەمریکا و لە وڵاتانی دیکەش خۆپیشاندانی هاوشێوە بەڕێوە دەچن.

وێنە گەورەکە: خوێندکارانی خۆپیشاندەر دژی هێرشی ئیسرائیل بۆ سەر غەززەن کە بە هۆیەوە زیاتر لە 35 هەزار کەس، کە زۆربەیان ژن و منداڵن، کوژراون. ئەوان هەروەها داوای ڕاگەیاندنی دەستبەجێی ئاگربەست و وەستانی یارمەتییە سەربازییەکانی ئەمریکا بۆ ئیسرائیل دەکەن.

زانیاریی زیاتر: جگە لە ئەمریکا، لە هەر یەکە لە وڵاتانی فەڕەنسا، ئەڵمانیا، کەنەدا، ئوسترالیا، ئیرلەندا، سوویسرا، مەکسیک و چەند وڵاتێکی دیکەش خۆپیشاندانی هاوشێوەی خوێندکاران بەڕێوە دەچێت. 

ئەوەی پێویستە بیزانیت: تەنیا لە ئەمریکا زیاتر لە دوو هەزار و 100 خوێندکار لەلایەن پۆلیسەوە دەستگیر کراون.