نوێترین لێدوانی وەزیری دارایی لەبارەی دابەشکردنی مووچەوە

ئاڤا نیوز 

 

وەزیری دارایی و ئابووری لەبارەی دابەشکردنی مووچەوە ڕایگەیاند، "بۆ ناردنی مووچە لەلایەن بەغداوە هەرچی لەسەر ئێمە پێویست بووە کردوومانە".

 

وێنە گەورەکە: بە بەشداریی 30 لە کۆنسوڵ و نێردە دیپلۆماسییەکان یەکەمین کۆنفڕانسی دڵنیایی لە هەرێمی کوردستان و عێراق لەلایەن وەزارەتی دارایی و بەڕێوبەرایەتیی گشتیی کاروباری دڵنیایی بەڕێوە دەچێت، لەدوای کۆنفڕانسەکە وەزیری دارایی قسەی بۆ ڕۆژنامەنووسان کرد.

 

لێدوانی فەرمی: ئاوات شێخ جەناب، وەزیری دارایی و ئابووریی هەرێمی کوردستان لە کۆنگرەیەکی ڕۆژنامەنووسیدا لەبارەی دواکەوتنی ناردنی مووچە لەلایەن بەغداوە گوتی: "هەموو ئەو هەنگاوانەی لەسەر هەرێمی کوردستان پێویست بوون، ئێمە جێبەجمان کردوون، هیچ ئاستەنگێک نەماوە".

 

زانیاریی زیاتر: وەزیری دارایی دەڵێت"ناردنی مووچە لەسەر حکومەتی عێراق ماوەتەوە، ئێمە چاوەڕوانین دوای تەواوبوونی دابەشکردنی مووچە لە بەغدا لای ئێمەش دەستپێبکات".

ئەوەی پێویستە بیزانیت: وەزارەتی دارایی عێراق ڕۆژی 21ـی نیسان دەستی بە دابەشکردنی مووچەی ئەو مانگەی مووچەخۆرانی خۆی کردووە، وێڕای ناردنی لیستی مووچەخۆرانی هەرێمی کوردستان، بەڵام تاوەکو ئێستا پارەکەی نەنێردراوە.