سەرۆکى هەرێمى کوردستان گەیشتە تاران

ئاڤا نیوز

 

سەرۆکى هەرێمى کوردستان گەیشتە تارانی پایتەختی کۆماری ئیسلامی ئێران و لەلایەن بەرپرسانی وەزارەتی دەرەوەی ئێران پێشوازی لێکرا، لە ميانى سەردانەکەشيدا بڕیارە لەگەڵ بەرپرسانى باڵاى ئەو وڵاتە کۆببێتەوه.

 

وێنە گەورەکە: نێچيرڤان بارزانى، سەرۆکى هەرێمى کوردستان، لەسەر‌ بانگهێشتێکى فەرميى کۆمارى ئيسلاميى ئێران و بە ياوەريى شاندێک گەیشتە تارانی پایتەخت.

 

بۆچی گرنگە؟ بڕیارە لە کۆبوونەوەکانی لەگەڵ ئیبراهیم ڕەئیسی، سەرۆککۆماری ئێران و بەرپرسە باڵاکانی ئەو وڵاتە پرسی برەودان بە پەيوەندييەکانى ئێران لەگەڵ عێراق و هەرێمى کوردستان و هاريکاريى هاوبەشى نێوانيان، پێشهاتەکانى ناوچەکە بەگشتى، گفتوگۆ بکەن.

 

ئەمەش بزانە: ئەندامانی شاندەکە بریتین لە جێگرانى سەرۆک و وەزیری ناوخۆی حکومەتی هەرێمی کوردستان و سەرۆکی دیوانی سەرۆکایەتی و ژمارەيەک لە بەرپرسانى هەرێمى کوردستان.