شاندێکی گەشتوگوزاری کوردستان بەشداری لە پێشانگای بازاڕی گەشتیاری عەرەبی دەکات

ئاڤا نیوز

 

دەستەی گشتیی گەشتوگوزار لە پێشانگەی بازاڕی گەشتیاریی عەرەبی ژمارەیەک ڕێککەوتن لە نێوان کۆمپانیا گەشتیارییەکانی هەرێمی کوردستان و وڵاتانی بەشداربوو واژۆ دەکات. 

 

وێنە گەورەکە: پێشانگەی بازاڕی گەشتیاریی عەرەبی (ATM) سبەی دووشەممە 06-05-2024، دەست پێ دەکات و سێ ڕۆژ بەردەوام دەبێت.

 

بۆچی گرنگە؟ ئەو پێشانگەیە دەرفەت بۆ کەرتی گەشتیاری دەڕەخسێنێت و کارئاسانی دەکات بۆ ئەوەی ئاستەنگەکانی بەردەم ڕاکێشانی گەشتیاران بۆ هەرێمی کوردستان کەم ببنەوە.

 

لێدوانی فەرمی: ئیبراهیم عەبدولمەجید، گوتەبێژی دەستەی گشتیی گەشتوگوزاری هەرێمی کوردستان بە ئاڤا نیوزی گوت: "بە واژۆکردنی ئەو ڕێککەوتنانە چاوەڕوان دەکرێت ڕێژەی گەشتیاریی نێودەوڵەتی لە هەرێمی کوردستان زیاد بێت".