ئاگرەکەی بازاڕی قەیسەری کۆنترۆڵ کرا

ئاڤا نیوز

 

دوای هەوڵی تیمەکانی بەرگریی شارستانیی هەولێر، توانرا ئاگرەکەی بازاڕی قەیسەری هەولێر کۆنترۆڵ بکرێت.

 

بۆچی گرنگە؟ لە ماوەی ڕابردوو و لە پایتەختی هەرێمی کوردستان، چەندین ڕووداوی هاوشێوە ڕوویان داوە و دەیان دووکان لە بازاڕەکانی لەنگە و شێخەڵا سووتان و بەمەش زەرەرێکی زۆر لە خاوەن دووکانەکان کەوت.

 

 هۆکارە زانراوەکان: پارێزگاری هەولێر لەسەر هۆکارەکانی کەوتنەوەکەی ئاگرەکە گوتی بەشێک لە دووکانداران بە پەردە دووکان و کەلوپەلەکانیان دادەپۆشن و تەشەنەکردنی ئاگرەکە بەشێکی بەهۆی ئەمەوە بوو و تەسکی شوێنەکە و قەرەباڵخی خەڵک و میدیاکاران کۆنتڕۆڵکردنەکەی زەحمەت کرد.

 

باکگراوەند: ئەمڕۆ کاتژمير نۆی شەو ئاگر لە بازاڕی قەیسەری هەولێر کەوتەوە و زیاتر لە سێ کاتژمێری خایاند تا ئاگرەکە کۆنتڕۆڵ کرا و چەندین دووکانی قووماشفرۆشان سووتان.