پارێزگاری دهۆک: دڵگران بووین لەبارەی ئاگرکەوتنەوەکەی هەولێر

ئاڤا نیوز

 

عەلی تەتەر، پارێزگاری دهۆک بە ئاڤا نیوزی گوت: "لەگەڵ برای بەڕێزم کاک ئومێد خۆشناو قسەم کرد و هاوخەمی خۆم بۆ ئەو ڕووداوەی بازاڕی قەیسەری پێ گەیاند و دڵگران بووین؛ ئامادەشین بۆ هەر هاوکاری و بەهاناوەچوونێک".

 

زانیاریی زیاتر: بە هۆی ئاگرکەوتنەوەکەی بازاڕی قەیسەریی هەولێر، زۆرینەی بەرپرسانی حکومی و پارێزگار و سەرپەرشتیارانی ئیدارە سەربەخۆکان، بە تەلەفۆن هاوخەمیی خۆیان گەیاندە ئومێد خۆشناو و ئامادەی هەموو هاوکاری و بەهاناوەچوونێک بوون.

 

باکگراوەند: ئەمڕۆ ئاگر لە بازاڕی کووتاڵفرۆشانی قەیسەری هەولێر کەوتەوە و بووە هۆی سووتانی بەشێک لە دووکانەکان و دوای سێ کاتژمێر ئاگرەکە کۆنتڕۆڵ کرا. ڕووداوەکە هیچ زەرەرێکی گیانی نەبووە و بڕیاریشە لە سبەینێوە دەست بە دیاریکردنی هۆکارەکانی ئاگرکەوتنەوەکە بکرێت.