فەرمانی دەستگیركردن بۆ بەڕێوەبەری هاتوچۆی سلێمانی دەكرا

بەڕێوەبەری هاتوچۆی سلێمانی بە یەک مانگ دەستگیرکردن سزادرا و بەپێی زانیارییەکان سێ دۆسیەی لەسەرە.

 

وێنە گەورەكە: ڕۆژی سێشەممە 07-05-2024 عەمید ئاسۆ محەممەد، بەڕێوەبەری هاتوچۆی سلێمانی بە فەرمانی دادوەری سەربازی بۆ ماوەی مانگێک زیندانیکردن سزادرا و دەستگیر دەکرێت.

 

زانیاری بەدەستهاتوو: بەڕێوەبەری هاتوچۆی سلێمانی لە دادگەی سەربازی فەرمانی دەستگیرکردنی بۆ دەرچووە و سێ کەیسی لەسەرە، یەکێکیان ناوبراو لە ساڵی 2022، بڕوانامەیەکی بەناوی ماستەر پێشکەشکردووە و پلە و مووچەکەی زیاد بووە، ئاشکرا بووە ساختەی کردووە و ماستەریشی تەواو نەکردووە.

 

قووڵتر: کەیسێکی دیکەی لەسەر پێدانی تابلۆیە بە ژمارەیەک ئۆتۆمبێلی خوار مودێل و گولـلەنەبڕ، کەیسی سێیەمیش پەیوەندی بەوەوە هەیە لە ناو بەڕێوەبەرایەتیی هاتوچۆی سلێمانی 124 ئۆتۆمبێلیان بە نایاسایی کارەکانی بەڕێ کردوون.