حووسییەكان هێرش دەکەنە سەر دوو كەشتیی ئیسرائیل

ئاڤا نیوز

 

حووسییەکانی یەمەن لە کەنداوی عەدەن، بە مووشەک هێرشیان کردە سەر دوو کەشتیی ئیسرائیل و زیانیان پێ گەیاند.

 

وێنە گەورەكە:  حووسییەكان بۆ پشتیوانی لە كەرتی غەززە، دژی ئیسرائیل لە دەریای سوور و عەدەن هێرشی مووشەكی دەكەنە سەر كەشتییەكانی ئەمریكا و بەریتانیا و ئیسرائیل، بەرەبەیانی ئەمڕۆ دوو كەشتیی ئیسرائیلیشان كردە ئامانج و زیانی ماددی هەیە.

 

ڕاگەیێنراوی فەرمی: حووسییەكان لە ڕاگەیێنراوێکدا ڕایانگەیاند، دوو كەشتیی ئیسرائیلیان بە مووشەک لە كەنداوی عەدەن كردووەتە ئامانج و زیانی مادییان پێگەیاندوون.

 

بۆچوونی لایەنی بەرامبەر: تاوەکو ئێستا حكومەتی ئیسرائیل هیچ زانیارییەكی لەسەر ئەو دوو كەشتییە بڵاو نەكردووەتەوە.

 

ئەوەی پێویستە بیزانیت: لە دەریای عەدەن و سوور و چەند ناوچەیەكیش لە یەمەن، حووسییەكان بە مووشەک و درۆن، بەرژەوەندییەكانی ئیسرائیل بە ئامانج دەگرن.