مەلا بەختیار: دەبێت هەموو دەنگ و ڕەنگەكان لە هەڵبژاردن بەشدار بن

ئاڤا نیوز

مەلا بەختیار ڕایدەگەیێنێت، هەڵبژاردن بێ پارتی و یەکێتی ناکرێت، بە پێویستیشی دەزانێت هەموو دەنگ و ڕەنگەکان لە هەڵبژاردن بەشداربن.

لێدوانی فەرمی: مەلا بەختیار، ئەندامی پێشووی ئەنجوومەنی باڵای سیاسی و بەرژەوەندیی یەکێتیی نیشتمانیی کوردستان ڕایگەیاند: دەبوو یەکێتی و پارتی و حیزبەکان بەشێک لە کێشەکانیان چارەسەر بکردایە بۆ زەمینەسازیکردن بۆ ئەنجامدانی هەڵبژاردن، ئەگینا بەم کێشانەوە چۆن ئەچنە هەڵبژاردن.

کاریگەریی و لێکەوتەکان: سەبارەت بەو کێشانەی لە کوردستان هەن وەک؛ نە نووسینی دەستوور، یەکنەخستنی هێزەکانی پێشمەرگە، مەلا بەختیار وای دەبینێت "ڕەنگە پیلانگێڕی بۆ ماددەی 140 بکەن و هێزەکانی پێشمەرگە بەم فراوانییەی ئێستا نەهێڵن، و ڕەنگە بەغدا هەندێ بڕیار لەبارەی دەروازە سنووری و سەرچاوە داراییەکان دژی هەرێم بدات".

گۆشەیەكی دیكە: مەلا بەختیار ڕەتیکردەوە لیستی بۆ هەڵبژاردنەکان هەبێت، ئاماژە بەوە دەکات چەندین لیست لە سلێمانی دروستبوون، "من دەپرسم ئایا یەکێتی دیراسەی ئەوەی کردووە بۆ ئەمانە هەمووی سەرهەڵدەدەن؟"