بریکاری وەزیری دەرەوەی ئەمریکا: سەردانەکەی سەرۆکوەزیران بارزانی بۆ واشنتن سەرکەوتوو بوو

ئاڤا نیوز

 

بریکاری وەزیری دەرەوەی ئەمریکا ڕایدەگەیێنێت، پەیوەندییەکی ڕاشکاو و شەفافیان لەگەڵ حکومەتی هەرێمی کوردستان هەیە و "لە میانی سەردانە سەرکەوتووەکەی سەرۆکوەزیران بۆ واشنتن، پابەندیمان بۆ پشتیوانیکردنی خەڵکەکەی دووپات کردەوە".

 

چیرۆکی سەرەکی: پێنجشەممە 9-5-2024، بریکاری وەزیری دەرەوەی ئەمریکا سەردانی هەولێری کرد و لەگەڵ سەرۆکوەزیران بارزانی کۆبووەوە، دواتر کۆنگرەیەکی ڕۆژنامەوانی لەبارەی سەردانەکەی بۆ هەرێمی کوردستان کرد.

 

لێدوانی ڕۆژنامەوانی: عەزرا زییا، بریکاری وەزیری دەرەوەی ئەمریکا ڕایگەیاند، "لەگەڵ هەرێمی کوردستان وەک دوو هاوڕێی دیموکراسی زۆر بە شەفافانە باسی پەیوەندییەکانی خۆمان دەکەین، لە میانی سەردانە سەرکەوتووەکەی سەرۆکوەزیران بۆ واشنتن پابەندیمان بۆ پشتیوانیکردنی خەڵکی هەرێمی کوردستان دووپات کردەوە".

 

زانیاریی زیاتر: عەزرا زییا ئاماژە بەوە دەکات، هەرێمی کوردستان لە سەرتاسەری ئەمریکا لەلایەن هەردوو پارتە سیاسییەکە و خەڵکی ئەمریکا پشتیوانی هەیە و دەشڵێت: "پەیوەندیمان لەگەڵ هەرێمی کوردستان و عێراق، لە هەبوونی سەروەریی و سەقامگیری لەم ناوچەیە دووپات دەکاتەوە".