لە هەولێر سیمپۆزیومی کاریگەرییەکانی گۆڕانی ئاووهەوا بەڕێوە دەچێت

ئاڤا نیوز

 

لە شاری هەولێر سیمپۆزیومێکی نێودەوڵەتی بە ناوونیشانی 'کاریگەرییەکانی وشکەساڵی و گۆڕانی ئاووهەوا لە سەر دۆخی سیاسی، ئابووری و دیموگرافیی عێراق' بەڕێوە دەچێت.

 

زانیاریی بەدەستهاتوو: ئەمڕۆ یەکشەممە 12-05-2024 بە ئامادەبوونی لەتیف ڕەشید، سەرۆککۆماری عێراق، نێچیرڤان بارزانی، سەرۆکی هەرێمی کوردستان و سەرۆکوەزیران بارزانی، سیمپۆزیومی نێودەوڵەتی لەژێر ناوونیشانی 'کاریگەرییەکانی وشکەساڵی و گۆڕانی ئاووهەوا بەڕیوە دەچێت.

 

لەلایەکی دیکەوە: بڕیارە سەرۆکوەزیران بارزانی لە گفتوگۆیەکی کراوەدا قسە لەبارەی گۆڕانی ئاووهەوا، ئاسایش، سەقامگیری و گەشەی ئابووری و کار و دیدگای خۆی بۆ کوردستانێکی سەوز بکات.

 

بۆچی گرنگە: شارەزایانی ناوخۆیی و نێودەوڵەتی، ئەکادیمیست و بەرپرسانی حکومی و لایەنە پەیوەندیدارەکان باس لەو ئاستەنگ و ئاڵنگارییانە دەکەن کە بەهۆی وشکەساڵی و گۆڕانی ئاووهەوا دێنە ئاراوە؛ ئەمەش بەمەبەستی دۆزینەوەی چارەسەری کردارییانە بۆ کەمکردنەوەی کاریگەرییەکان.