بایدن: ئەگەر حەماس بارمەتەکان ئازاد بکات دەکرێت ئاگربەست دەست پێ بکات

ئاڤا نیوز 

جۆ بایدن سەرۆکی ئەمریکا،  ئاگربەستی غەززە بە ئازادکردنی بارمتە ئیسرائیلییەکانی لای حەماس دەبەستێتەوە.

وێنە گەورەکە: بایدن، هەوڵ دەدات خۆی لە پرسی  لایەنگری بۆ ئاگربەستی غەززە بەدوور بگرێت، لە میانی چالاکییەکی کۆکردنەوەی پارەدا کە لە ماڵی کارگێڕێکی پێشووی مایکرۆسۆفت بەڕێوە چوو، بایدن گوتی "ئەگەر حەماس بارمتەکان ئازاد بکات، سبەی ئاگربەست ڕوودەدات".

ئەوەی پێویستە بیزانیت: بە گوتەی بایدن، ئیسرائیل بە ئەمریکای ڕاگەیاندووە، بابەتەکە پەیوەندی بە حەماسەوە هەیە، ئەگەر حەماس بارمتەکان ئازاد بکات "دەتوانین سبەی کۆتایی بەو بابەتە بهێنین و ئاگربەست دەست پێ بکات".

ئەوەی ئێستا ڕوودەدات: هەفتەی ڕابردوو، حەماس پێشنیازی ئاگربەستی قبووڵ کرد، ئیسرائیل تا ئێستا وەڵامی پێشنیازەکەی نەداوەتەوە و هەڕەشەی دەستپێکردنی هێرشی سەر ڕەفەح دەکات. 

باکگراوند: حەوت مانگە شەڕ لە غەززە بەردەوامە و زیاتر لە 34 هەزار کەس گیانییان لەدەست داوە.