زانكۆی سلێمانی لە هۆكاری مردنی نەورەسەكان دەكۆڵێتەوە

ئاڤا نیوز

ڕاگری کۆلێژی ڤێتەرنەریی زانکۆی سلێمانی ئاماژە بەوە دەدات، لە ڕێگەی لیژنەیەکەوە بەدواداچوون بۆ هۆکاری مرداربوونەوەی نەورەسەکانی دەریاچەی دووکان دەکەن.

چیرۆکی سەرەکی: دوو ڕۆژ لەمەوبەر کۆمەڵێک باڵندەی کێوی لە جۆری نەورەس لەسەر دەریاچەی دووکان تووشی نەخۆشییەکی تایبەت بوون، لە ئەنجامی پشکنینەکان دەرکەوتووە کە نەخۆشییەکە بەهۆی ڤایرۆسێکەوەیە و بە کۆمەڵ مردار بوونەتەوە و لەسەر لێواری دەریاچەکان کەوتوون.

لێدوانی فەرمی: د. نادیە عەبدولکەریم، ڕاگری کۆلێژی ڤێتەرنەریی زانکۆی سلێمانی ڕایگەیاند: "لیژنەیەک کە کۆمەڵێک پسپۆڕی جیاواز لەخۆ دەگرێت بە وردی لە هۆکاری مرداربوونی نەورەسەکان دەکۆڵێتەوە."

ئەوەی پێویستە بیزانیت: زیاتر لە چوار ساڵە باڵندەی نەورەس لە دەریاچەی دووکان دەژین و دیارترین شوێنیان دووگرتکانە ماوەی پێنج بۆ 15 ساڵ لە ژیاندا دەمێننەوە.