سەرۆكوەزیران بارزانی: لەگەڵ عێراق لە گفتوگۆداین بۆ ئەوەی دەستدرێژی بۆ سەر جووتیارانی كورد نەهێڵین

ئاڤا نیوز

 

سەرۆكوەزیران بارزانی ڕایگەیاند، لەگەڵ حكومەتی عێراق لە گفتوگۆداین بۆ ئەوەی دەستدرێژی بۆ سەر جووتیارانی كورد لە ناوچە کوردستانییەکانی دەرەوەی ئیدارەی هەرێمی کوردستان نەهێڵین.

 

وێنە گەورەکە: لە هەولێر سیمپۆزیومی نێودەوڵەتیی کاریگەرییەکانی وشکەساڵی و گۆڕانی ئاووهەوا لەسەر دۆخی سیاسی، ئابووری و دیموگرافیایی عێراق، بەڕێوەچوو و سەرۆکوەزیران بارزانی بەشداری پانێلێکی کرد.

 

لێدوانی فەرمی: سەرۆكوەزیران بارزانی لە وەڵامی پرسیارێکی ئامادەبوویەکی سیمپۆزیومی نێودەوڵەتیی کاریگەرییەکانی وشکەساڵی و گۆڕانی ئاووهەوا ڕایگەیاند: "لەگەڵ حكومەتی عێراق لە گفتوگۆداین بۆ ئەوەی دەستدرێژی بۆ سەر جووتیارانی كورد نەهێڵین".