سێ سکاڵای دیکە لە دادگەی فیدراڵی بۆ گەڕاندنەوەی کورسیی پێکهاتەکان تۆمار دەکرێت

ئاڤا نیوز 

 

 وەزیری هەرێم بۆ کاروباری پێکهاتەکان ڕایدەگەیێنێت، لە ڕێگەی دادگەی فیدراڵییەوە سکاڵا تۆمار دەکەن و داوای گەڕاندنەوەی کورسیی تورکمانەکان دەکەن.

لێدوانی فەرمی: ئایدن مەعرووف، وەزیری هەرێم بۆ کاروباری پێکهاتەکان بە ئاڤا نیوزی گوت: لە ڕێگەی دادگەی فیدراڵییەوە سکاڵا تۆمار دەکەین، داوای گەڕاندنەوەی پێنج کورسییەکەی پێکهاتەی تورکمانەکان دەکەین، بۆ ئەوەی ئەم مافەمان بۆ بگەڕێنرێتەوە.

لەلایەکی دیکەوە: هەر ئەمڕۆ پێکهاتەی کریستیان دوو سکاڵا بەجیا لە دادگەی فیدراڵی بۆ گەڕانەوەی پێنج کورسییەکەیان تۆمار دەکەن.

ئەوەی پێویستە بیزانیت: لە ڕۆژی 21-02-2024، دادگەی فیدراڵی لە بارەی یاسای هەڵبژاردنی پەرلەمانی کوردستانەوە بڕیاری دا بە لابردنی 11 کورسی پێکهاتەکان، کە پێنج کورسی پێکهاتەی تورکمان، پێنج کورسی پێکهاتەی کریستییانە، یەک کورسی ئەرمەنە.