گرووپە چەکدارەکانی عێراق بە درۆنێکی نوێ ئیسرائیل بەئامانج دەگرن

ئاڤا نیوز

 

هێرشی گرووپە چەکدارەکانی عێراق بۆ سەر ناوچە جیاوازەکانی ئیسرائیل درێژەیان هەیە، جارێکی دیکە بە دوو درۆن، کە یەکەمجارە تاقی دەکرێتەوە، باشووری ئیسرائیلیان بەئامانج گرت.

 

وێنە گەورەکە: لە حەوتی ئۆکتۆبەری ساڵی ڕابردووەوە کە شەڕ لە نێوان ئیسرائیل و حەماس هەڵگیرساوە، چەندین گرووپی نزیک لە ئێران هێرش دەکەنە سەر بەرژەوەندییەکانی ئیسرائیل و ئەمریکا و وڵاتانی ڕۆژئاوا لە کەنداوی عەرەب و دەریای سوور.

 

ڕاگەیێنراوی فەرمی: گرووپی چەکداریی "مقاوەمەی ئیسلامی عێراق" لە ڕاگەیێنراوێکدا دەڵێت: بە درۆنی جۆری 'ئەرفەد' کە یەکەمجارە بەکار دەهێنرێت، ناوچەکانی شاری ئیلاتی باشووری ئیسرائیلی کردووەتە ئامانج.

 

زانیاریی زیاتر: ئەو گرووپە چەکدارە جەخت لەوە دەکاتەوە وەک وەڵامێک دژی هێرشەکانی ئیسرائیل بۆ سەر غەززە بەدەوام دەبن لە بە ئامانجگرتنی ئەو دەوڵەتە.