ئوسترالیا فەرماندەی سوپای قودسی ئێران سزا دەدات

ئاڤا نیوز

 

حکومەتی ئوسترالیا بە پاساوی "ڕەفتاری ناسەقامگیرکارانەی تاران" پێنج کەس و سێ دامەزراوەی ئێرانی سزا دا. 

 

ڕاگەیێنراوی فەرمی: وەزارەتی دەرەوەی ئوسترالیا لە بەیاننامەیەکدا سزاکانی ڕاگەیاندووە و سوپای پاسدارانی ئێرانی بە "هەڕەشە بۆ سەر ئاسایشی نێودەوڵەتی و خەڵکی ئێران" تۆمەتبار کردووە. 

 

زانیاریی زیاتر: لە ناو سزادراوەکاندا هەریەکە لە محەممەد ڕەزا ئاشتیانی، وەزیری بەرگری و ئیسماعیل قائانی، فەرماندەی سوپای قودس هەن. سزاکان هەروەها ‌هێزە دەریاییەکانی سوپای پاسداران و ئەو کۆمپانیایانەش دەگرێتەوە کە لە پەرەپێدانی بەرنامەی مووشەکی و درۆنی ئێران ڕۆڵیان هەیە.