هونەرمەند خالید سەرکار: بەهۆی مۆسیقای عەرەبییەوە بیرمان لە دامەزراندنی تیپی مۆسیقای سلێمانی کردەوە

ئاڤا نیوز

 

هونەرمەند خالید سەرکار ڕایدەگەیێنێت، هەوڵەکانی تیپی مۆسیقای سلێمانی بۆ پاراستنی ڕەسەنایەتیی هونەری  کوردی لە  بواری گۆرانی و مۆسیقا بەردەوام بووە و  هاتنی تەوژمی مۆسیقای عەرەبی وای لەوان کرد، بیر لە دامەزراندنی تیپەکە بکەنەوە.

 

لێدوانی فەرمی: هونەرمەند خالید سەرکار بە ئاڤا نیوزی گوت: "لە کۆتایی ساڵی شەستەکاندا، بیرمان لەوە کردەوە کە دەبێت تیپێکی مۆسیقامان هەبێت و گۆرانییە ڕەسەنە کوردییەکان بپارێزین؛ هاتنی تەوژمی مۆسیقای عەرەبی وای لە ئێمە کرد، بیر لە دامەزراندنی تیپی مۆسیقای سلێمانی بکەینەوە".

 

ئەمەش بزانە: تیپی مۆسیقای سلێمانی لەسەر دەستی چەند هونەرمەندێکی کورد لە شاری سلێمانی دامەزرا کە کاریان بۆ چەندین هونەرمەند کردووە، وەک عوسمان عەلی، ئیبراهیم خەیات، کەریم کابان، عەلی مەردان و تایەر تۆفیق.

 

زانیاریی زیاتر: ئەو تیپە لە ساڵی 1973 بە سەرپەرشتیی مامۆستا ویلیەم یوحەنا، مۆڵەتی دامەزراندنی پێدرا.