فەڕەنسا و چەند وڵاتێکی عەرەبی شەڕی غەززە تاوتوێ دەکەن

ئاڤا نیوز

 

لە کۆشکی ئێلیزێ لە پاریسی پایتەختی فەڕەنسا، کۆبوونەوەیەک لە نێوان فەڕەنسا و چوار وڵاتی عەرەبی بەڕێوە دەچێت.

 

وێنە گەورەکە: کۆبوونەوەکە بۆ گفتوگۆکردنە لەسەر شەڕی غەززە و دانوستانەکانی پەیوەست بە ئاگربەست لە نێوان ئیسرائیل و حەماس.

 

زانیاریی زیاتر: ئیمانوێل ماکرۆن، سەرۆکی فەڕەنسا سەرۆکایەتیی کۆبوونەوەکان دەکات و هەر یەکە لە وەزیرانی دەرەوەی فەڕەنسا، قەتەر، میسر، ئوردن و سعودیە بەشدار دەبن.

 

بۆچی گرنگە: پێشتر چەندین گەڕی دانوستانەکانی پەیوەست بە ئاگربەستی غەززە و بەردانی بارمتە ئیسرائیلییەکان لە پاریس بەڕێوە چوون و هەریەکە لە میسر و قەتەر وەک نێوەندگیر ڕۆڵیان گێڕا. کۆبوونەوەی ئەمجارە دەتوانێت هانی دەستپێکردنەوەی دانوستانەکان بدات.