پەرلەمانتارێک داوا دەکات دەوڵەتی عەلەوی لە عێراق ڕابگەیێنرێت

ئاڤا نیوز 

دوای پەسەندکردنی ڕۆژی غەدیر وەک پشوویەکی فەرمی، پەرلەمانتارێکی شیعە داوا دەکات " وەک وەفایەک بەرامبەر ئیمامی عەلی دەوڵەتێکی عەلەوی لە عێراق ڕابگەیێنرێت ".

وێنە گەورەکە: ڕۆژی 22ـی ئەم مانگە پەرلەمانی عێراق دەنگی لەسەر پشووە فەرمییەکاندا و ڕۆژی "غەدیر"ی کردە پشووی فەرمی.

لێدوانی فەرمی: " ئەگەر شتێک هەبێت شایستەبێت بە جەژنی غەدیرەوە ئەوا پێویستە عێراق ببێتە دەوڵەتێکی عەلەوی و ناوی دەوڵەتی عەلەوی بۆ دابنرایە، ئەمەش کەمترین شایستەیە بۆ بە وەفابوون بەرامبەر ئیمامی عەلی". عەلی تورکی، ئەندامی پەرلەمانی عێراق وای گوتووە.

ئەوەی پێویستە بیزانیت: لای شیعە مەزهەبەکان ڕۆژی 18ـی زیلحیجە بە ڕۆژی "غەدیر" ناسراوە و بە ڕۆژێکی پیرۆز دادەنرێت، پێیان وایە "لەم ڕۆژەدا پەیامبەری ئیسلام، ئیمامی عەلی وەک شوێنگرەوەی خۆی داناوە".