بەریتانیا ژنێک و سێ منداڵ لە سووریاوە دەگەڕێنێتەوە وڵاتەكەی

ئاڤا نیوز 

بەریتانیا  لەم هەفتەیەدا ژنێک و سێ منداڵی سەر بە داعشی گەڕاندووەتەوە وڵاتەکەی، کە لە کەمپی ڕۆژ بوون لە ڕۆژئاوای کوردستان.

ڕاگەیێنراوی فەرمی: هێزە ئەمنییەکانی ڕۆژئاوای کوردستان ڕایانگەیاند: ڕۆژی چوارشەممەی ڕابردوو لە میانی سەردانی شاندێکی بەریتانی بەسەرکردایەتیی ئان سنۆ، نوێنەری بەریتانیا بۆ سووریا و باکووری ڕۆژئاوای سووریا، ژنێکی سەر بە داعش کە هاووڵاتی بەریتانییە و سێ منداڵی لەگەڵدا بووە لە کەمپی ڕۆژەوە ڕادەستی ئەو شاندە کراون.

وێنە گەورەکە: لە پێنج ساڵی ڕابردوو نزیکەی 30 هەزار هاووڵاتی عێراقی و سووری لە کەمپی هۆل لە سووریا گەڕێنراونەتەوە وڵاتەکانیان، نزیکەی دوو هەزار کەسی دیکەش لە کەمپی ڕۆژ نیشتەجێکراون.

ئەوەی پێویستە بیزانیت: ئەمریکا لەم مانگەدا گەڕاندنەوەی 11 هاووڵاتی خۆی لەو دوو کەمپە ڕاگەیاندووە.

باکگراوند: داعش لە سووریا لە ساڵی 2019 کۆتا پێگەی خۆی لەدەست دا و لەلایەن هێزە کوردییەکان و هاوپەیمانانەوە ناوچەی باغۆز کۆنترۆڵ کرا.