200 بارهەڵگر هاوكاریی مرۆیی  بەرەو ڕەفەح بەڕێكەوتن

ئاڤا نیوز

200 بارهەڵگر کە هاوکاری مرۆیی خۆراک و سووتەمەنی و پێداویستی پزیشکیان پێیە، لە دەروازەی ڕەفەحەوە بەرەو  دەروازەی کەرەم شالۆم بەڕێکەوتن.

ئەوەی پێویستە بیزانیت: ئەو بارهەڵگرانە لە میسرەوە بەڕێکەوتوون بەرەو دەروازەی کەرەم شالۆم و نەتەوەیەکگرتووەکان سەرپەرشتییان دەکات و بڕیارە ئەمڕۆ بگەنە دەست دانیشتووانی ڕەفەح.

زانیاریی زیاتر: میدیاکانی میسر لەسەر زاری سەرچاوەکانی نەتەوەیەکگرتووەکانەوە ڕایانگەیاندووە: 15 بارهەڵگریان  سووتەمەنی و  پێنج بارهەڵگر خۆراک و حەوت بارهەڵگر کەلوپەلی سەرەتایی تەندروستی و ئەوانی دیکەش پێداویستی سەرەتاییان تێدایە، ئەمریکا بەوردی چاودێری ناردنی ئەو بارهەڵگرانە دەکات.

وێنە گەورەکە: لە حەوتی ئۆکتۆبەری ساڵی ڕابردووەوە شەڕ لە غەززە بەردەوامە، سەرەڕای بڕیاری دادگەی نێودەوڵەتی بۆ هێرش نەکردنە سەر ڕەفەح، ئیسرائیل سوورە لەسەر ئەنجامدانی ئەو هێرشە.