حەماس تێلەڤیڤ بۆردوومان دەکات

ئاڤا نیوز 

حەماس لە شاری ڕەفەحی باشووری ‌غەززەوە، هێرشی مووشەکی دەکاتە سەر تێلەڤیڤی پایتەختی ئیسرائیل. 

 

ڕاگەیێنراوی فەرمی: کەتیبەکانی عیزەدین قەساس، باڵی سەربازیی حەماس رایگەیاند، "زنجیرە مووشەکێک"ـی زۆریان گرتووەتە تێلەڤیڤی پایتەختی ئیسرائیل. ئاماژەشیان بەوە داوە کە ئەم هێرشە لە "تۆڵەی کۆمەڵکوژیی خەڵکی سڤیل"ـە لەلایەن ئیسرائیلەوە.

 

زانیاریی زیاتر: بە گوتەی سوپای ئیسرائیل، هەشت مووشەکی حەماس ئاراستەی تێلەڤیڤ کراون کە بەشێکیان خراونەتە خوارەوە. 

 

بۆچی گرنگە: دوای زیاتر لە حەوت مانگ لە شەڕی نێوان ئیسرائیل و حەماس و هێرشی فراوانی ئیسرائیل بۆ سەر غەززە، هێشتا حەماس توانای ئەوەی ماوە لە دوورترین شوێنی ‌غەززەوە پایتەختی ئیسرائیل بکاتە ئامانج.