سەرۆكوەزیران بارزانی وەزارەتی سامانە سروشتییەكان بۆ چارەسەری پرسی نەوت ڕادەسپێرێت

شەیری بکە لە:
سەرۆكوەزیران بارزانی وەزارەتی سامانە سروشتییەكان بۆ چارەسەری پرسی نەوت ڕادەسپێرێت

گرافیکی ئاڤا نیوز

ئاڤا نیوز

 

سەرۆكوەزیران بارزانی بۆ چارەسەری پرسی هەناردەكردنەوەی نەوتی هەرێمی كوردستان، وەزارەتی سامانە سروشتییەكان سەرپشك دەكات، گوتەبێژی حكومەتی هەرێمی كوردستان دەڵێت " پرسی هەناردەكردنی نەوت لەلایەن هەرێمی كوردستانەوە هیچ گرفتێكی نەماوە".

 

بۆچی گرنگە: دادگەی فیدراڵیی عێراق ڕایگەیاندبوو، پێویستە حکومەتی هەرێمی کوردستان داهاتە نەوتی و نانەوتییەکانی ڕادەستی حکومەتی فیدراڵی بکات. هەرێمی کوردستان داهاتە نانەوتییەکانی ڕادەستکردووە، بە دەستپێکردنەوەی هەناردەی نەوتیش عێراق دەبێت سەرجەم شایستە داراییەکانی هەرێمی کوردستان بنێرێت.


لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان ڕایگەیاند: سەرۆکوەزیران بارزانی وەزارەتی سامانە سروشتییەکانی ڕاسپارد ئەگەر بۆ بابەتی نەوت پێویستی کرد سەردانی بەغدا بکەن، لەگەڵ حکومەتی فیدراڵ و کۆمپانیا نەوتییەکان کۆببنەوە.


زانیاریی زیاتر: پرسی هەناردەکردنی نەوت لەلایەن حکومەتی هەرێمی کوردستانەوە هیچ گرفتێکی نەماوە، کێشەکە تێچووی بەرهەمهێنانی نەوتە کە دەبێت حکومەتی فیدراڵ کۆمپانیا نەوتییەکان ڕازی بکات بۆ ئەوەی نرخێکیان پێبدات ڕازییان بکات.

 

باكگراوند: لە مانگی ئاداری ساڵی 2023ەوە هەناردەکردنی نەوتی هەرێمی کوردستان بە بڕیارێکی دادگەی نێوبژیوانی پاریس و  لەسەر سکاڵایەکی حکومەتی عێراق ڕاگیراوە.

 

 

زیاتر لەسەر ئەم بابەتانە بکۆڵەرەوە

شەیری بکە لە:

دوایین هەواڵەکان