سعودییە مەرجی هەیە بۆ چوونە ناو ڕێککەوتنەکانی ئیبراهیمی

ئاڤا نیوز

 

لەمیانی سەردانەکەی شازادەی جێنشینی سعودیە بۆ واشنتن، خواستی وڵاتەکەی بۆ بوون بە بەشێک لە ڕێککەوتنەکانی ئیبراهیمی دووپات کردەوە، بەڵام بە مەرجێک کە چارەسەری دوو دەوڵەتی نێوان فەلەستین و ئیسرائیل دابنرێت.

 

چیرۆکی سەرەکی؛ محەممەد بن سەلمان، شازادەی جێنشینی سعوودیە، لە وەڵامی بانگهێشتنامەی دۆناڵد ترەمپ، سەرۆکی ئەمریکا، سەردانی ئەمریکای کرد چەندین ڕێککەوتنیان لە بواری سەربازی و ئابووریدا واژۆ کرد.

 

لێدوانی فەرمی؛ لەمیانی سەردانەکەدا بن سەلمان بە ترەمپی وت، ئێمە دەمانەوێت بەشێک بین لە ڕێککەوتنەکانی ئیبراهیمی [ئاساییکردنەوەی پەیوەندییەکان لەگەڵ ئیسرائیل]، بەڵام دەمانەوێت دڵنیا بین لەوەی کە ڕێگای چارەسەری دوو دەوڵەتی بە ڕوونی دیاری کراوە.

 

زانیاریی زیاتر: بن سەلمان ئاشکرای کرد، گفتوگۆیەکی بوونیادنەری لەگەڵ ترەمپ ئەنجامداوە. جەختیشیکردەوە، "کار لەسەر ئەمە دەکەین بۆ ئەوەی دڵنیا بین لەوەی کە هەلومەرجی گونجاو لە زووترین کاتدا بۆ گەیشتن بەم ئامانجە دروست بکرێ".