خوانێکی ترلیۆنی لە کۆشکی سپی

ئاڤا نیوز

میدیاکانی جیهان باسی ئەو خوانە دەکەن کە ترەمپ بۆ شازادەی جێنشینی سعوودیەی ڕێکخست و بەهاکەی زیاتربوو لە ترلیۆنێک دۆلار.

 

چیرۆکی سەرەکی: شاندێکی سعوودیە بە سەرکردایەتی محەممەد بن سەلمان، شازادەی سعوودیە، لەسەر بانگێستی فەرمی دۆناڵد ترەمپ، سەرۆکی ئەمریکا، گەیشتنە ئۆڤاڵ ئۆفیس، لەوێ دەستیان بە گفتوگۆ کرد و باسی وەبەرهێنان دەکرا.

 

لێدوانی فەرمی: محمد بن سەلمان، لە کۆنگرەیەکی رۆژنامەوانی هاوبەش لەگەڵ ترەمپ گوتی: "ئێمە ئامادەین بەبڕی یەک ترلیۆن دۆلار بە هاوبەشی لەگەڵ ئەمریکا وەبەرهێنان بکەین، بەڵام وەبەرهێنانی واقعی نەک ڕازیکردنی دڵی ئەمریکا!".

 

هەروەها وتی: ئێمە دەمانەوێت ئەو پارەیە لە سێکتەری سەربازیی بەتایبەت کڕینی فڕۆکەی شەڕکەری ئێف-35 لەگەڵ درووستکردنی وێستگەی ئەتۆمی و کڕینی دەیان هەزار چیپی زیرەک، جگە لە تەکنەلۆژیای ئەی ئای و پێشکەوتنەکانی دیکەی پیشەسازی و پزیشکی و وەبەرهێنان، هەروەها واژووکردنی ڕێککەوتنێک بۆ بەرگریی هاوبەشی هەردوو وڵات و دەبێت هێزێکی بەرپەرچدانەوەی خێرا هەبێت، ئەمە نابێت ماوەکەی لە 80 ساڵ کەمتر بێت.

 

زانیاری زیاتر: ترەمپ ڕەزامەندی نیشانداوە ئێف-35 بداتە سعوودیە و هەروەها 300 تانک و زرێپۆش لە ئەمریکا بکڕدرێت. لە بەرامبەردا سعوودیە وتوویەتی پارە تەنها بەکاش ناداتە ئەمریکا، بەڵکو وەرن وەبەرهێنان لە یۆرانیوم، کانزا دەگمەنەکان، موگناتیز و بوارە جیاجیاکان بکەن کە لەسەر خاکی سعوودیە هەیە. 

 

دیوێکی دیکەی چیرۆکەکە: ترەمپ دڵی خۆش بووە بە ڕێککەوتنەکان و وتوویەتی لەسەر شەرەفی جەنابی شازادەی جێنشین، ئێوارە هەمووتان دەعوەتی منن، جگە لەمانە تەلەفۆنی کردووە بۆ زۆرینەی وەبەرهێنەرە ئەمریکییەکانی وەکو ئیلۆن مەسک، تیم کوک و نوێنەری کۆمپانیا زەبەلاحەکان، بەڵام شازادە محەممەد نەیزانیوە کریستانۆ رۆناڵدۆ، جیرۆجینای خێزانی، کۆمپانیای ئارامکۆ و تەنانەت سەرۆکی فیفاش لەوێ بوون.

 

جا مێزەکەی ترەمپ بۆ خوانی ئێوارە ترلیۆنیی بووە و ئەوەندەی باسی پارە و موعامەلە کراوە، ئەوەندە تەرکیز نەخراوەتە سەر نان خواردن.