ئەو کوردەی بەربژێربوو بۆ سەرۆکوەزیرانی هەرێمێکی باشووری ئەفریقا دەنگی پێویستی نەهێنا

ئاڤا نیوز 

 

ئەو هاونیشتمانییەی باکووری کوردستان کە كاندید بوو بۆ پۆستی سەرۆكوەزیرانی هەرێمی وێستن گەیپ لە باشووری ئەفریقا،  لە هەڵبژاردندا دەنگی پێویستی نەهێنا و دەڵێت "ئەمریکا دەستوەردانی لە هەڵبژاردنەکەدا کردووە". 

وێنە گەورەكە: لە هەرێمی وێستن گەیپ لە باشووری ئەفریقا هەڵبژاردنی گشتی بەڕێوە چوو، كوردێكی باكووری كوردستان كە چەندین ساڵە لەو وڵاتە دەژی خۆی بۆ پۆستی سەرۆكوەزیران كاندیدكرد، بەڵام لە هەڵبژاردنەكاندا نەیتوانی دەنگی پێویست بەدەستبهێنێت. 

 

لێدوانی فەرمی: محەممەد داغ، كاندیدی سەرۆكوەزیرانی هەرێمی وێست گەیپ تایبەت بە ئاڤا نیوزی گوت: ”لە هەڵبژاردنەكەدا چاوەڕوانم دەكرد زیاتر  لە یەک ملیۆن دەنگ بەدەستهێنم، بەڵام 16 هەزار دەنگم بەدەستهێنا".

 

زانیاریی زیاتر:” ئەو دەنگانەی ئێمە بۆ حزبێكی دیكەی یەهوودی براوە و ئێمە لەمە بێدەنگ نابین".

 

ئەوەی پێویستە بیزانیت: محەممەد داغ، ساڵی 1973 لە شاری وانی باكووری كوردستان لەدایكبووە، لە ساڵی 2001 گەشتی بۆ باشووری ئەفریقا كردووە و مامۆستای زمانی ئینگلیزییە و  بەهۆی خۆشەویستییەوە بۆ ئەفریقا گەشتی بۆ ئەو وڵاتە كردووە، بووە بە ئەندامی پارتی خاک لە ئەفریقا.